(Madda Oduu ABO/MOA/Amajjii 11,2010) Haaluma kanaan Onoota 11 fi magaalota keessaa meeshalaee waranaa gara garaa ummata irraa humnaan hiikkachiisaa jiru.
Kana males sochiilee mormitootaa kanneen akka ABO fa’a adda baasanii hordofuu maqaa je’uu fi manneen barumsaa mootummaa fi dhunfaa keessatti barattoota fi barsiisota akkasumas daldaltoota fi qotatee bultoota Gooxi fi Gareen wal irratti ijaarun akka wal basaasaniif qophiin xumuramuu isaa odeessi gola wayyaanotaa keessaa bahu if godha.
Hojjattoonni naannoo Oromiyaa ammoo saamicha aanga’oonni wayyaanee adeemsisaa jiranii fi lafa ummata irraa buqqisuun gurguramaa jiru mormaa akka jiran maddeen keenya gabaasaniiru.
*******
Godina Shawaa Lixaa keessatti ummanni walgahii dhaaba jalee Wayyaanee OPDO irratti argamuu lagate, wayyaanen kanatti aarun bishaan dhugaatii dhoorkun adabaa jira je’ame.
(Madda Oduu ABO/MOA/Amajjii 11,2010) Godina Shawaa Lixaa Ona Meettaa Roobii magaalaa Minaaree keessatti ummanni walgahii ergamtuu wayyaanee OPDO irratti argamuu dide. Ummanni naannichaa walgahii teessan dhuma hin qabnee fi bu’aan irraa argamu hin jirreen nu hin rakkisinaa jechuun bakka walgahichatti argamuu lagatee jira.
Sirni wayyaanee diddaa ummataa kanatti aaruun karaa ergamtoota isaa kaabinoota je’amaniin namoonni walgahii irratti argamuu didan bishaan dhugaatii akka hin arganne ugguree jira.
Namonni hedduun tarkaanfii abdii kutannaa wayyaaneen fudhate kanaan kan hubaman yeroo tahu, maatin obbo Salamoon Maarkoonii jedhamanii fi kanneen biroo hedduun warreen bishaan akka hin waraabbane ugguraman keessatti argamu.
MOA
